| Այսօր մեր համալսարանում տեղի ունեցավ համերգ` Երևանի պետական բժշկական համալսարանի և Հայաստանի պետական ֆիլհարմոնիկ նվագախմբի համագործակցության շրջանակներում: Համերգի գեղարվեստական ղեկավարն ու գլխավոր դիրիժորն էր Էդուարդ Թոփչյանը: Համերգն անցավ շատ բարձր մակարդակով: Համերգին ներկա էր նաև կոմպոզիտոր Էդվարդ Միրզոյանը, որի "Շուշանիկ" ստեղծագործությունը հնչեց ամենավերջում: Համերգը սկսվեց Մոցարտի թիվ 40 սիմֆոնիայով, որը բաղկացած էր 4 մասից: Գեղեցիկ և հիասքանչ կատարումից հետո հնչեց նաև Մոցարտի Ալելույա ստեղծագործությունը, իսկ վերջում, ինչպես արդեն վերևում նշել էի, համերգի փակումը նշանավորվեց Էդուարդ Միրզոյանի ստեղծագործությամբ: Հուսով ենք` նման համերգներ մեր համալսարանում դեռ շատ կլինեն, սա ևս մեկ կարևոր քայլ էր մեր երիտասարդությանը մոտեցնելու դասական երաժշտությանը:
Ձեզ ենք ներկայացնում մի քանի նկարներ և վիդեոներ այս համերգից
| 
TIKO ft ART
